Найти
 
 


Лукашэнка: Мэты і задачы вучэнняў "Захад-2017" цалкам выкананыя


Ваенныя вучэнні Саюзнай Дзяржавы "Захад-2017" скончыліся.
"Мы паказалі здольнасць узброеных сіл Беларусі і Расіі па абароне інтарэсаў нашых дзяржаў", — заявіў Аляксандр Лукашэнка 20 верасня пасля назірання за ходам вучэнняў на Барысаўскім палігоне.

Паводле яго слоў, мэты і задачы вучэнняў "Захад-2017" цалкам выкананыя. "Мы адпрацавалі не толькі дзеянні арміі, але тэрытарыяльную абарону — так, як яна павінна працаваць у пагражальны перыяд", — сказаў Лукашэнка.

"Мэты, пастаўленыя ў шырокім плане, рэалізаваныя на беларускіх і расійскіх палігонах. Вынікі вучэнняў яшчэ будуць падведзеныя, але ў цэлым задача вырашаная. Мы паказалі здольнасць узброеных сіл Беларусі і Расіі па абароне інтарэсаў нашых дзяржаў. Гэта была дэманстрацыя нашых магчымасцяў, усё было на вельмі высокім узроўні", — падкрэсліў кіраўнік дзяржавы.

Пры гэтым, дадаў Лукашэнка, вучэнні "не былі паказушнымі".

Вячаслаў Будкевіч, БелаПАН
Барысаў, 20 верасня 2017
 
Дата публикации:20.09.2017
Тематика:Новости, Союзное государство
Просмотров:104
 
Ключевые слова:
"Запад-2017" Военные учения Территориальная оборона Вооружённые силы
 
 


Комментарии



 



Другие новости по этой теме