"Беларускі бок прадаўжае разлічваць на кампенсацыю Расіяй наступстваў праводзімавага манеўру. Ва ўрада Расіі разуменне праблем Беларусі ў сувязі з гэтым, безумоўна, ёсць. Мы пачалі абмеркаванне кампенсацыйных механізмаў", - адзначыў Уладзімір Сямашка.

Яны могуць быць як у выглядзе міжбюджэтных трансфераў, так і ў выглядзе змянення формулы цаны нафты, унясення ў яе спецыяльнай зніжкі. Гэта асноўныя магчымыя механізмы, якія абмяркоўваюцца.

"Памер жа кампенсацыі відавочны для двух бакоў: павінна быць кампенсавана розніца ў вывазных мытных пошлінах, памножаная на аб`ём пастаўляемай нафты", - сказаў беларускі пасол. Падатковы манеўр пачаўся ў нафтавай галіне Расіі ў 2015 годзе. Да 2018 года праходзіў яго першы этап, у 2019-м пачаўся завяршальны, які прадоўжыцца да 2025 года.

Паводле слоў Уладзіміра Сямашкі, на першым этапе манеўру Беларусь страціла $3,6 млрд, якія ніяк не кампенсаваны.

"Калі ўсё пакінуць так, як ёсць, то за астатні да завяршэння падатковага манеўру час Беларусь страціць яшчэ $10,6 млрд пры сусветнай цане нафты $70 за бараль і $8,8 млрд пры цане $60 за бараль. А затым беларускія нафтаперапрацоўшчыкі будуць поўнасцю выведзены на сусветную цану нафты, у выніку чаго Беларусь будзе штогод пераплачваць Расіі па $3 млрд", - прывёў даныя пасол.

21 чэрвеня 2019, Мінск
БЕЛТА