Аб гэтым заявіў на сёмым Форуме праектаў праграм Саюзнай дзяржавы 20 лістапада ў Маскве дзяржсакратар Саюзнай дзяржавы Рыгор Рапота.
"Ужо цяпер праяўляецца цікавасць да нашых праграм з боку Еўразійскай эканамічнай камісіі. Мы будзем, па-першае, дзяліцца вопытам гэтай работы, а па-другое, мы гатовыя іх запрашаць да ўдзелу ў гэтых праграмах... Могуць быць трансфармацыі з пункту гледжання пашырэння ахопу тых краін, якія ўдзельнічаюць у гэтых праграмах", — сказаў Рапота.
У той жа час ён адзначыў, што праграмы Саюзнай дзяржавы не павінны радыкальна трансфармавацца ад прыцягнення дадатковых гульцоў, бо іх механізм ужо адпрацаваны.
Рапота нагадаў, што цяпер рэалізуюцца 13 праграм, а ўсяго за час існавання Саюзнай дзяржавы такіх праграм распрацавана звыш 40.
Сяргей Пульша,
БелаПАНМінск, 20 лістапада 2012
