Аб гэтым заявіў 20 лістапада на сёмым форуме праектаў праграм Саюзнай дзяржавы генеральны дырэктар ААТ "Навукова-вытворчая карпарацыя "РЕКОД" Вячаслаў Безбародаў.
"Мы ўжо распачалі перамовы па стварэнні такога цэнтра ў Мінску", — сказаў Безбародаў.
"РЕКОД" займаецца адкрыццём у РФ цэнтраў касмічных паслуг, якія падаюць інфармацыю з арбітальных груповак розным спажыўцам у інтарэсах народнай гаспадаркі. Цяпер у Расіі фарміруецца адзіная тэрытарыяльна размеркаваная інфармацыйная сетка па аказанні касмічных паслуг.
Раней, у верасні, у межах пасяджэння кансультацыйнага навуковага савета фонду "Сколкава" ў Мінску Безбародаў заявіў, што карпарацыя гатова дапамагчы ў стварэнні на тэрыторыі Беларусі шэрагу цэнтраў касмічных паслуг, якія падаюць інфармацыю ў розных галінах — ад маніторынгу нацыянальных паркаў да арганізацыі бяспекі.
"Мы дамаўляемся з Нацыянальнай акадэміяй навук Беларусі па стварэнні гэтага цэнтра, зрабілі ім камерцыйную прапанову", — сказаў Безбародаў.
Паводле яго слоў, вучоныя Беларусі маюць вельмі шмат напрацовак у галіне стварэння геаінфармацыйных сістэм. "Сёння трэба стварыць магутны інтэгруючы цэнтр, якія аб`ядноўвае гэтыя напрацоўкі", — дадаў кіраўнік НПК "РЕКОД".
Карпарацыя "РЕКОД" з`яўляецца галаўной арганізацыяй і паўнамоцным прадстаўніком Федэральнага касмічнага агенцтва па падрыхтоўцы і рэалізацыі сумесных пагадненняў, праграм і праектаў з суб`ектамі РФ і іншымі спажыўцамі ў галіне выкарыстання вынікаў касмічнай дзейнасці.
Сяргей Пульша,
БелаПАНМінск, 20 лістапада 2012
