«Галоўная мэта пагаднення-стварэнне арганізацыйных і прававых асноў абароны канкурэнцыі для забеспячэння свабоднага перамяшчэння тавараў, работ, паслуг і справядлівага ў адносінах да ўсіх удзельнікаў функцыянавання рынкаў дзяржаў — членаў Саюзнай дзяржавы. Дакумент прадпісвае органам улады дзвюх краін спыняць любыя праявы манапалізму і прымяняць антыманапольнае заканадаўства да кампаній з саюзнай дзяржавы на роўных умовах», — гаворыцца ў паведамленні.

Адзначаецца, што пагадненне будзе спрыяць гарманізацыі антыманапольнага заканадаўства Расіі і Беларусі.

Таксама паведамляецца, што праца праводзіцца ў рамках рэалізацыі 28 саюзных праграм, зацверджаных дэкрэтам Вышэйшага дзяржсавета Саюзнай дзяржавы ад 4 лістапада 2021 года.

«Пагадненне накіравана на фармаванне адзіных прадказальных правілаў вядзення бізнесу на тэрыторыях дзвюх краін, на аснове якіх будзе забяспечвацца абарона інтарэсаў прадпрымальнікаў і спажыўцоў Расіі і Беларусі», — сказаў намеснік старшыні ўрада Аляксей Авярчук, чые словы прыводзяцца ў паведамленні.

Звязда, 11 верасня 2022