Новы модуль асветніцкага праекта SputnikPro "Навінавы Telegram-канал у сучасных умовах: як быць дакладней, аператыўней і цікавей за канкурэнтаў" стартаваў у пятніцу, 20 верасня, у мультымедыйным прэс-цэнтры Sputnik Беларусь.
Спікерам мерапрыемства стаў шэф-рэдактар Telegram-канала РІА Навіны Аляксей Гаўрылка, які ў рамках майстар-класа падзеліцца прафесійнымі сакрэтамі, раскажа, як будуе працу вядучы расійскі навінавы Telegram-канал з аўдыторый у 3,3 млн падпісчыкаў, у чым яго прыярытэт і асновы.
У РІА Навіны Аляксей Гаўрылка працуе больш за 10 гадоў. Ён пачынаў працу рэдактарам стужкі навін, пазней працаваў карэспандэнтам, кіраваў зменай на пасадзе шэф-рэдактара, апошнія некалькі гадоў займаецца развіццём Telegram-каналаў агенцтва.
Спікер раскажа, што змянілася ў Telegram за апошні час, чаму каналам навін стала складаней "выжываць", як да гэтага адаптавацца і не страціць падпісчыкаў.
SputnikPro – міжнародны асветніцкі праект у галіне медыя, ініцыяваны агенцтвам Sputnik. Гэта сістэма ўнікальных семінараў, лекцый і майстар-класаў лепшых расійскіх і замежных медыяменеджараў, экспертаў і вядучых спецыялістаў агенцтва для журналістаў, прэс-сакратароў, блогераў і студэнтаў старэйшых курсаў профільных аддзяленняў ВНУ.
Навучальныя модулі SputnikPro прайшлі ўжо ў 24 краінах: ад Арменіі да Індыі, ад Грэцыі да Кітая. Усяго з сакавіка 2018 года ў праекце прынялі ўдзел больш за 10 тысяч чалавек з 80 краін.
Sputnik – міжнароднае інфармацыйнае агенцтва і радыё, частка медыягрупы "Россия сегодня". Sputnik аб’ядноўвае інтэрнэт-сайты на дзесятках моў, аналагавае і лічбавае радыёвяшчанне і стужкі навін на англійскай, арабскай, іспанскай, кітайскай мовах і фарсі. Аўдыторыя інфармацыйных рэсурсаў Sputnik складае каля 21 млн наведвальнікаў у месяц, агульная колькасць падпісчыкаў у сацсетках перавышае 26 млн. Галаўны офіс Sputnik знаходзіцца ў Маскве.
Sputnik, 20 верасня 2024
