"Максімальны тавараабарот з краем быў у 2011 годзе - $84 млн. Я думаю, што ў бліжэйшы час мы павінны паставіць планку з вамі $100 млн і вышэй. Для Беларусі важны тавараабарот і ў кантэксце гэтага - арганізацыя сумесных вытворчасцей з прадпрыемствамі Алтайскага края", - сказаў Віталь Воўк.

Паводле слоў губернатара Алтайскага края Аляксандра Карліна, рэгіён забяспечвае стабільны тавараабарот з Беларуссю, але рэспубліка стала купляць у 1,5 раза менш алтайскіх тавараў. Паводле даных адміністрацыі края, у 2014 годзе тавараабарот склаў $52 млн, па выніках 2015 года - $43,7 млн.

Кіраўнік рэгіёна падкрэсліў, што для края Беларусь адзін з важных партнёраў, у першую чаргу ў аграрным машынабудаванні. У сваю чаргу беларускі міністр падкрэсліў, што адна з мэт дэлегацыі - разгледзець магчымасць арганізацыі зборачных вытворчасцей у Сібіры, на Алтаі.

"Мы зацікаўлены рабіць сумесны прадукт, можа быць брэнд "Алтай", мы не пярэчым, але гэта павінен быць наш сумесны прадукт. Акрамя таго, тут ёсць шынны завод, іншыя прадпрыемствы, якія могуць рабіць прадукцыю для зборкі, вазіць з Беларусі такую прадукцыю не абавязкова. Мы разумеем, што нагрузка для рэгіёна важна - гэта падаткі, таму мы за тое, каб тут арганізоўваліся рабочыя месцы", - растлумачыў міністр.

Алтайскія і беларускія прадпрыемствы супрацоўнічаюць ужо не першы год: сумесная вытворчасць сельгастэхнікі з "Бабруйскаграмашам" арганізавана ў 1996 годзе. З 2005 года вялікія і цяжкія дэталі пачалі рабіць на Алтаі, а ў 2006 годзе стартаваў праект па выпуску прэс-падборшчыкаў. З 2011 года ў рэгіёне арганізавана сумесная вытворчасць камбайнаў з "Гомсельмашам", на алтайскія палі выйшлі больш як 870 камбайнаў.

Сярод алтайскіх прадпрыемстваў, якія найбольш актыўна супрацоўнічаюць з Беларуссю - "АСМ", "Барнаултрансмаш", Завод алюмініевага ліцця, "Эвалар", Алтайскі завод прэцызійных вырабаў.

10 жніўня 2016, Барнаул
БЕЛТА - ТАСС