Беларусь і Калужская вобласць абмяркоўваюць перспектывы супрацоўніцтва ў ходзе візіту 3—4 сакавіка беларускай дэлегацыі на чале з намеснікам міністра архітэктуры і будаўніцтва Рэспублікі Беларусь Дзмітрыем Семянкевічам у гэты расійскі рэгіён.
Як паведамляе прэс-служба пасольства Беларусі ў Расіі, 3 сакавіка адбылася сустрэча беларускай дэлегацыі з губернатарам Калужскай вобласці Анатолем Артамонавым.
У ходзе сустрэчы прайшла прэзентацыя Калужскай вобласці, дзе падрабязна разгледжаны вопыт рэгіёну па прыцягненні інвестыцый і стварэнні інавацыйных вытворчасцей.
Бакі абмеркавалі таксама пытанне арганізацыі ў найбліжэйшы час візіту дэлегацыі Калужскай вобласці на чале з губернатарам у Беларусь.
Марына Носава,
БелаПАНМінск, 3 сакавіка 2014
