https://www.kurs.kz/ - Курсы валют в обменных пунктах г. Алматы и других городах Казахстана
 


 






Найти
 
 


МТЗ у студзені-кастрычніку павялічыў пастаўкі тэхнікі ў Стаўрапольскі край больш як удвая


Мінскі трактарны завод у студзені-кастрычніку адгрузіў у Стаўрапольскі край каля 600 трактароў BELARUS з тэмпам росту 260,1 працэнта да аналагічнага мінулагодняга перыяду. Аб гэтым паведаміў маркетынг-дырэктар ААТ "МТЗ" Міхаіл Каднікаў.
"У нас за 10 месяцаў бягучага года рост продажаў больш чым удвая. Гэта не можа не радаваць. Але спыняцца на дасягнутым мы не маем намеру. У Стаўрапольскім краі паспяхова працуе наш гандлёвы дом "МТЗ-Стаўрапаль". Сёння ў час візіту на завод губернатара гэтага расійскага рэгіёна Уладзіміра Уладзімірава абмеркавалі, у якіх напрамках рухацца далей па паглыбленні ўзаемавыгаднага супрацоўніцтва як у прамых пастаўках, так і ў кааперацыі", - расказаў Міхаіл Каднікаў.

Паводле слоў міністра энергетыкі, прамысловасці і сувязі Стаўрапольскага края Івана Кавалёва, расійскі рэгіён зацікаўлены ў актывізацыі кааперацыйнага супрацоўніцтва з беларускімі прадпрыемствамі. "Наш край сельскагаспадарчы, таму ў першую чаргу запатрабавана сельгастэхніка. Са свайго боку гатовы прапанаваць калегам і прычапную тэхніку, і азотныя ўгнаенні, і поліэтылен. Лічбы тавараабароту растуць", - сказаў ён. Сумесныя намаганні зацікаўленых бакоў дазволяць знайсці яшчэ больш пунктаў росту для пашырэння ўзаемадзеяння.

Мінскі трактарны завод - адзін з буйнейшых вытворцаў сельскагаспадарчай тэхнікі. Заказчыкам прапануюць больш за 100 мадэлей трактароў у больш як 200 зборачных варыянтах для ўсіх кліматычных і эксплуатацыйных умоў. Новыя мадэлі маюць шырокія магчымасці агрэгатавання з сельгасмашынамі розных вытворцаў. МТЗ распрацоўвае, вырабляе і экспартуе колавыя трактары і запасныя часткі да іх, арганізуе на ліцэнзійнай аснове іх вытворчасць за мяжой, аказвае паслугі па наладжванні і правядзенні сэрвісу пастаўленых машын, праводзіць навучанне па эксплуатацыі і тэхнічным абслугоўванні выпускаемай тэхнікі.

8 лістапада 2023, Мінск
БЕЛТА
 
Дата публикации:08.11.2023
Тематика:Товары из Беларуси, Союзное государство
Просмотров:76
 
Ключевые слова:
Ставрополь МТЗ Торговый дом
 
 


Комментарии



 



Другие новости по этой теме