"У мінулым годзе беларускім і расійскім бакамі праведзены вялікі аб`ём працы, - нагадаў дыпламат. - Падрыхтавана і парафіраваны кіраўнікамі ўрадаў абноўленая праграма дзеянняў дзвюх краін па рэалізацыі Дамовы аб Саюзнай дзяржаве. Галіновымі міністэрствамі і ведамствамі была разгорнута работа па падрыхтоўцы 30 дарожных карт па фармаванні адзіных і аб`яднаных рынкаў Саюзнай дзяржавы. Іх прыняцце і рэалізацыя сталі б сур`ёзным крокам наперад па ўсіх напрамках інтэграцыі".

Аднак, падкрэсліў Уладзімір Сямашка, да моманту завяршэння працы над дарожнымі картамі не была выканана адна з асноўных умоў беларускага боку - урэгуляванне ўсіх актуальных, якія патрабуюць неадкладнай рэакцыі ўжо ў бягучым 2020 годзе пытанняў двухбаковага супрацоўніцтва.

"Прэзідэнт Рэспублікі Беларусь Аляксандр Лукашэнка неаднаразова акцэнтаваў увагу на тым, што падпісанне ўсіх новых інтэграцыйных дамоўленасцей магчыма толькі пакетным прынцыпам, - указаў пасол. - Такім чынам, адсутнасць рэальнага руху па энергетычнай тэматыцы, ліквідацыі бар`ераў і стварэнню роўных умоў для суб`ектаў гаспадарання без аднабаковых выключэнняў і абмежаванняў не дазволіла выйсці на падпісанне падрыхтаванага пакета дакументаў".

Паводле слоў дыпламата, сёння ўрады дзвюх краін выходзяць на пэўныя дамоўленасці па ўрэгуляванні той сітуацыі, якая склалася ў нашых адносінах у пачатку бягучага года.

"Гэта добры сігнал, - адзначыў ён. - Рашэнне праблемных пытанняў двухбаковага ўзаемадзеяння стварае перадумовы вярнуцца да разгляду напрацаваных дакументаў па паглыбленні нашай інтэграцыі".

"Але ўжо відавочна, што дарожныя карты давядзецца актуалізаваць, паколькі закладзеныя ў іх тэрміны рэалізацыі этапаў інтэграцыі першапачаткова з`яўляліся вельмі сціснутымі. Напрыклад, па цэлым шэрагу кірункаў да сярэдзіны гэтага года прадугледжвалася фармаванне уніфікаванага заканадаўства. Сёння відавочна, што зроблена гэта ў прадугледжаныя тэрміны ўжо не будзе. Ды і сама сітуацыя ў нашым рэгіёне і свеце ў цэлым, якая склалася ў апошнія дні і тыдні, прымушае пераасэнсаваць асобныя элементы супрацоўніцтва і скарэктаваць іх у мэтах прывяду ня да бягучых рэалій ", - заявіў Уладзімір Сямашка.

Звязда, 2 красавіка 2020