"У спрэчцы, што датычыцца нафтавых і газавых праблем, кропка яшчэ не пастаўлена. Таму што-небудзь каменціраваць мне цяжка, тым больш што я не ўдзельнічаю непасрэдна ў вырашэнні гэтых спрэчных пытанняў", - сказаў Рыгор Рапота.

Тым не менш, паводле яго слоў, важна выпрацаваць "нейкую такую формулу цаны на энерганосьбіты, якая мела б доўгатэрміновы характар і не прыводзіла бакі кожны раз да вельмі складаных перагавораў". "Хочацца верыць, што, магчыма, мы выйдзем на гэты шлях", - дадаў дзяржсакратар Саюзнай дзяржавы.

У Мінску праходзіць сустрэча калектыву Беларускага інстытута стратэгічных даследаванняў (БІСД) з дзяржаўным сакратаром Саюзнай дзяржавы Рыгорам Рапотам.

Абмяркоўваюцца ўзаемаадносіны Беларусі і Расіі, у тым ліку па пытаннях дарожных карт, перагавораў наконт нафты і газу.

23 студзеня 2020, Мінск
БЕЛТА