Парламентарый адзначыў, што ў беларускай інфармацыйнай прасторы разгарнулася сапраўдная вайна. 

"Колькі хлусні, прапаганды вылілася на вушы нашых грамадзян, калі ішлі перагаворы кіраўнікоў дзяржаў (па праблематыцы беларуска-расійскага супрацоўніцтва ў Сочы 7 снежня.)", - абурыўся Алег Гайдукевіч.

Самым галоўным сродкам у барацьбе з гэтым ён назваў стварэнне ўласнага інфармацыйнага кантэнту і падтрымку сваіх журналістаў, СМІ. 

"Важна, каб усюды гучаў беларускі парадак дня, наша меркаванне па ўсіх пытаннях. Тады мы зможам абараніць свае нацыянальныя інтарэсы", - рэзюмаваў дэпутат.

11 снежня 2019, Мінск
БЕЛТА