Праект дакумента ўхвалены ў якасці асновы для правядзення перамоў пастановай Савета міністраў № 1249 ад 29 снежня 2012 года. З беларускага боку на правядзенне перамоў і падпісанне пагаднення ўпаўнаважаны міністр энергетыкі Аляксандр Азярэц.

Паводле інфармацыі дэпартамента па ядзернай энергетыцы Міністэрства энергетыкі, асноўнай мэтай пагаднення з`яўляецца супрацоўніцтва для развіцця інфраструктуры ядзернай бяспекі Беларусі ў сувязі з будаваннем на яе тэрыторыі першай АЭС па расійскім праекце, а таксама для дасягнення ўстойлівага і высокага ўзроўню ядзернай бяспекі.

Пагадненне прадугледжвае розныя кірункі супрацоўніцтва, у тым ліку стварэнне інфраструктуры ядзернай бяспекі, сістэм рэгулявання бяспекі, распрацоўку і ўдасканальванне адпаведнай нарматыўна-прававой базы з улікам патрабаванняў МАГАТЭ, падрыхтоўку спецыялістаў у сферы ядзернай бяспекі.

Марына Носава, БелаПАН
Мінск, 3 студзеня 2013