https://www.kurs.kz/ - Курсы валют в обменных пунктах г. Алматы и других городах Казахстана
 


 






Найти
 
 


ПВТ фармуе трэць усяго экспарту паслуг Беларусі


Парк высокіх тэхналогій фармуе трэць усяго экспарту паслуг Беларусі, паведамілі ў прэс-службе парка.
Сёння ПВТ спаўняецца 18 гадоў. "За ўсе гады свайго існавання Парк высокіх тэхналогій дасягнуў значных вынікаў і зрабіў вялікі ўклад у развіццё ІТ-сектара і эканомікі Беларусі. Сёння рэзідэнты ПВТ фарміруюць каля 4 працэнтаў ВУП Беларусі і трэць усяго экспарту паслуг краіны", - адзначылі ў прэс-службе.

Парк высокіх тэхналогій стаў спрыяльнай экасістэмай і калыскай для таленавітых спецыялістаў і інавацыйных кампаній. Гэта прывяло да з`яўлення мноства паспяховых ІТ-стартапаў і распрацовак, якія выкарыстоўваюцца як на ўнутраным, так і на сусветным рынку. Сваёй стваральнай і натхнёнай працай рэзідэнты ПВТ штодзень даказваюць, што Беларусь здольная канкурыраваць у сусветнай ІТ-індустрыі і ствараць якасныя прадукты, падкрэслілі ў парку.

ПВТ актыўна супрацоўнічае з замежнымі партнёрамі і інвестарамі. "Штогод рэзідэнты ПВТ удзельнічаюць у дзясятках выставак у Беларусі і за мяжой. Гэта дае магчымасць прыцягваць замежныя інвестыцыі ў беларускую ІТ-сферу і ўмацоўваць пазіцыі краіны на сусветнай арэне высокіх тэхналогій. Такія партнёрствы садзейнічаюць абмену вопытам і перадачы перадавых тэхналогій", - расказалі ў прэс-службе.

Акрамя таго, парк актыўна ўдзельнічае ў розных дабрачынных і адукацыйных праектах, садзейнічаючы развіццю сацыяльнай сферы ў краіне. "Гэта дапамагае паляпшаць якасць жыцця насельніцтва і стварае спрыяльную абстаноўку для развіцця тэхналагічнай індустрыі. Адукацыйныя ініцыятывы ПВТ рэалізуюцца сёння ў амаль 500 установах дашкольнай адукацыі, у якіх штогод вучацца тысячы дзяцей. Каля 78 тыс. школьнікаў прайшлі навучанне па праграмах, распрацаваных ПВТ. У беларускіх універсітэтах адкрыта каля 90 сумесных лабараторый рэзідэнтаў ПВТ, а ў кампаніях-рэзідэнтах - больш як 50 філіялаў універсітэцкіх кафедраў. Мадэль бесперапыннага навучання "сад-школа-ўніверсітэт" дае магчымасць прыцягваць таленавітых маладых спецыялістаў і забяспечваць ім якасную адукацыю і перспектывы для развіцця кар`еры ў ІТ-сферы, садзейнічае абмену ведамі і досведам, развіццю інавацыйных ідэй", - дадалі ў ПВТ.

22 верасня 2023, Мінск
БЕЛТА
 
Дата публикации:22.09.2023
Тематика:Образование, Парк высоких технологий
Просмотров:235
 
Ключевые слова:
Инновации Технологии Образование в Беларуси
 
 


Комментарии



 



Другие новости по этой теме