Курс валютпокупкапродажа
USD314.33314.89
EUR343.5345.45
RUR5.525.56
www.kurs.kz
 


 




Найти
 
 


Урад прапануе ўвесці дадатковы механізм крэдытавання будаўніцтва жылля з дзяржаўнай падтрымкай


Аб гэтым паведаміў 22 сакавіка прэм`ер-міністр Андрэй Кабякоў у час наведвання спартыўных аб`ектаў, якія будуць задзейнічаны пры правядзенні Еўрапейскіх гульняў у 2019 годзе ў Беларусі.
Андрэй Кабякоў нагадаў, што ўрадам прынята рашэнне аб дадатковым фінансаванні жыллёвага будаўніцтва і адпаведным павелічэнні аб`ёму ўводу жылля з дзяржаўнай падтрымкай у 2017 годзе.

"Прынята рашэнне дабавіць яшчэ Br50 млн ільготных крэдытаў, якія атрымаюць маючыя патрэбу чаргавікі", - сказаў прэм`ер-міністр.

Гэта дасць магчымасць увесці дадаткова да 100 тыс. кв.м жылля з дзяржпадтрымкай без павелічэння агульнага ліміту дырэктыўнага крэдытавання. Дамы, на якія дадаткова выдзелена Br50 млн, будуць будавацца ва ўсіх абласцях і горадзе Мінску, растлумачыў кіраўнік урада.

"Але гэта яшчэ не канчатковыя аб`ёмы жылля, якія будуць уводзіцца ў гэтым годзе. Мы рыхтуем праект указа кіраўніка дзяржавы і ў дадатак да дзеючага ўказа нумар 13, які вызначае правілы будаўніцтва жылля з дзяржпадтрымкай, прапануем яшчэ адзін механізм, што дасць магчымасць крэдытаваць жыллё з дзяржаўнай падтрымкай, - расказаў Андрэй Кабякоў. - Пры гэтым падтрымка будзе аказвацца ўжо не банкам, каб яны зніжалі працэнты па крэдытах, а непасрэдна грамадзянам, якія будуць будаваць жыллё з дзяржпадтрымкай".

Прэм`ер-міністр акцэнтаваў увагу, што дзяржпадтрымка будзе захавана, але зменіцца схема яе прадастаўлення.

"Для нашых грамадзян гэта будзе не вельмі прынцыпова, але важным будзе тое, што мы зможам уключыць у фінансаванне будаўніцтва жылля ўсю банкаўскую сістэму краіны, а не толькі Беларусбанк і Белаграпрамбанк, якія на гэты момант з`яўляюцца аператарамі будаўніцтва жылля з дзяржпадтрымкай, - растлумачыў Андрэй Кабякоў. - Такім чынам ужо не банк, а грамадзянін будзе атрымліваць грошы, якія дапамогуць зрабіць таннейшым будаўніцтва жылля для канкрэтнай сям`і".

22 сакавіка 2017, Мінск
БЕЛТА
 
Дата публикации:22.03.2017
Тематика:Бизнес, Беларусь
Просмотров:119
 
Ключевые слова:
Жильё в Беларуси Льготное кредитование Соцзащита
 
 


Комментарии



 



Другие новости по этой теме