https://www.kurs.kz/ - Курсы валют в обменных пунктах г. Алматы и других городах Казахстана
 


 


Найти
 
 


Аператыўнікі наркакантролю знайшлі ў ложку гамяльчаніна пісталет, патроны і марыхуану


Аператыўнікі наркакантролю Чыгуначнага РАУС г. Гомеля атрымалі інфармацыю аб тым, што кватэра непрацуючага 44-гадовага жыхара горада, раней судзімага за незаконны абарот наркатычных сродкаў, выкарыстоўваецца наркаманамі для сустрэч і ўжывання забароненых рэчываў.
Супрацоўнікі звязаліся са сваякамі гаспадара жылля. Адзін з іх распавёў, што ўладальнік кватэры неяк паказваў сапраўдны пісталет. Больш за тое, ён казаў пра тое, што заб’е любога незнаёмца, які сунецца ў дзверы, а потым застрэліць і сябе.

Улічваючы такія абставіны, каб патрапіць у кватэру і прадухіліць любыя інцыдэнты, задзейнічалі АМАП. Байцы спецпадраздзялення спрацавалі прафесійна, не даўшы магчымасць мужчыну распачаць небяспечныя дзеянні.

Аператыўнікі праверылі ложак і знайшлі ў матрацы пісталет ТТ і патроны. Пад падушкай выявілі скрутак са здробненым раслінным рэчывам. Усе канфіскаванае накіравалі на экспертызу.

Як паведамляе УУС Гомельскага аблвыканкама, згодна з заключэннем экспертаў упраўлення Дзяржаўнага камітэта судовых экспертыз Рэспублікі Беларусь па Гомельскай вобласці, пісталет з магазінам выраблены самаробным спосабам з выкарыстаннем макета пісталета ТТ і прыдатны для стральбы. Восем патронаў таксама выраблены саматужным спосабам і прыдатныя для стральбы. Канфіскаваная трава апынулася марыхуанай.

Па фактах незаконных дзеянняў у дачыненні да агнястрэльнай зброі і незаконнага абароту наркатычных сродкаў распачатыя крымінальныя справы.

Сяргей Расолька
Звязда, 7 кастрычніка 2020
 
Дата публикации:07.10.2020
Тематика:Новости, Беларусь
Просмотров:52
 
Ключевые слова:
Гомель Наркотики Оружие Криминал
 
 


Комментарии



 



Другие новости по этой теме