Рэальныя грашовыя даходы насельніцтва Беларусі ў студзені-лютым 2025 года склалі 112,5% да ўзроўню першых двух месяцаў 2024 года, паведамілі ў прэс-службе Нацыянальнага статыстычнага камітэта.
Паводле ацэнак статыстыкаў, рост рэальных грашовых даходаў насельніцтва на 12,5% з’яўляецца высокім тэмпам.
У ведамстве адзначылі, што традыцыйна ў агульным аб’ёме грашовых даходаў у Беларусі аплата працы займае лідзіруючае месца, на яе прыпадае больш як 64%.
На другім месцы – пенсіі, дапамогі, стыпендыі, на якія прыпадае амаль 23%, даходы ад прадпрымальніцкай і іншай дзейнасці складаюць 7,5%, даходы ад уласнасці і іншыя даходы – крыху больш за 5%, адзначылі ў Белстаце.
Там удакладнілі, што даныя аб рэальных наяўных грашовых даходах прадстаўлены з улікам адлічаных падаткаў, збораў, а таксама ўзносаў, яны скарэктаваны на індэкс спажывецкіх цэн на тавары і паслугі.
Як паведамляў Нацыянальны статыстычны камітэт, рэальныя грашовыя даходы беларусаў за 2024 год выраслі на 9,7%.
