Прадукцыя ТАА "Гродзенская тытунёвая фабрыка "Нёман", якая рэалізуецца праз гандлёвыя аб`екты, размешчаныя ў пунктах пропуску цераз дзяржаўную мяжу Беларусі, выключана з прэйскуранта цэн, што рэгулююцца дзяржавай. Гэта прадугледжана пастановай Міністэрства эканомікі № 148 ад 7 верасня 2011 года, апублікаванай на Нацыянальным прававым інтэрнэт-партале.
Як растлумачылі БелаПАН у Міністэрстве гандлю, размова ідзе аб продажы тытунёвых вырабаў у магазінах бяспошліннага гандлю (дзьюці-фры).
На гэтыя тытунёвыя вырабы прымяняюцца свабодныя адпускныя і рознічныя цэны, сфарміраваныя з улікам кан`юнктуры рынку.
Апрача таго, свабоднае цэнаўтварэнне распаўсюджваецца на сігары, сігарылы, цыгарэтны і трубачны тытунь замежнай вытворчасці, што рэалізуюцца на тэрыторыі Беларусі.
Марына Носава,
БелаПАНМінск, 15 верасня 2011
