6 верасня на станцыі Слонім-Ударнікі ажыццяўляецца пагрузка падраздзяленняў 11-й гвардзейскай асобнай механізаванай брыгады, якія ўдзельнічаюць у беларуска-расійскіх вучэннях, для адпраўкі на Гарахавецкі палігон у Ніжагародскай вобласці РФ. Пра гэта паведамілі ў прэс-службе Міністэрства абароны Беларусі.
5 верасня са станцыі Азярышча пад Мінскам на палігон Ашулук у Астраханскай вобласці РФ адправіўся 355-ы гвардзейскі асобны танкавы батальён 120-й гвардзейскай асобнай механізаванай брыгады.
Пасля здзяйснення маршу чыгуначным транспартам непасрэдна ў раёнах правядзення вучэнняў асабоваму складу належыць сумесна з падраздзяленнямі Узброеных сіл Расіі адпрацаваць вучэбна-баявыя задачы абарончай тэматыкі.
Сумесныя беларуска-расійскія аператыўныя вучэнні "Шчыт Саюза — 2011" пройдуць на двух расійскіх палігонах 16—22 верасня. У іх возьмуць удзел прыкладна 12 тысяч ваеннаслужачых. Ад Узброеных сіл Беларусі — прыблізна 4,8 тысячы салдат і афіцэраў.
Вячаслаў Будкевіч,
БелаПАНМінск, 6 верасня 2011
