За восем месяцаў 2011 года беларускія пагранічнікі затрымалі 212 нелегальных мігрантаў, а толькі за першы тыдзень верасня — больш за 25. Яшчэ дзевяць парушальнікаў мяжы затрыманыя дзякуючы аператыўнаму ўзаемадзеянню з літоўскімі пагранічнікамі. Аб гэтым паведамілі ў прэс-цэнтры Дзяржаўнага пагранічнага камітэта Беларусі.
7 верасня смаргонскія пагранічнікі выявілі дарожку слядоў, якая вядзе ў бок літоўскай мяжы, і праінфармавалі калег на сумежнай тэрыторыі. Неўзабаве літоўскія пагранічнікі паведамілі аб затрыманні трох грамадзян Афганістана і чатырох грамадзян Літвы.
Праз некалькі гадзін на тым жа пагранічным участку былі затрыманыя двое грамадзян Грузіі. Як высветлілася, з імі знаходзіліся яшчэ два суайчыннікі, якія паспелі прайсці на сумежны бок. Літоўскія пагранічнікі затрымалі іх у раёне населенага пункта Мядзінінкай.
Затрыманыя аформленыя як парушальнікі мяжы. Устанаўліваюцца асобы, якія, магчыма, маюць дачыненне да аказання дапамогі ў парушэнні дзяржаўнай мяжы.
Вячаслаў Будкевіч,
БелаПАНМінск, 8 верасня 2011
