У аўторак з вуснаў кіраўніка дзяржавы ўся краіна атрымала выразны адказ на тое, як урад і Нацбанк плануюць вырашаць праблемы з валютай. Прэзідэнт паабяцаў, што ў сярэдзіне верасня вызначыцца рынкавы курс беларускага рубля.
"Звязда" звярнулася да экспертаў з пытаннем, наколькі агучаныя меры сапраўды дапамогуць нейкім чынам стабілізаваць сітуацыю:
Уладзімір Карагін, старшыня Мінскага сталічнага саюза прадпрымальнікаў і працадаўцаў:
Калі ж вяртацца да тых рашэнняў, якія былі агучаны, то гэта пэўны вектар, і мы хочам, каб увесь механізм гэтых рашэнняў выпрацоўваўся разам з намі. Бо, як кажуць у народзе, д`ябал заўсёды хаваецца ў дробязях, таму нам хацелася б, каб усё праходзіла канструктыўна. Мы бачым, у які бок накіраваны пошук шляхоў вырашэння, і мы гэты напрамак падтрымліваем. А што тычыцца некаторых захадаў, якія нас насцярожваюць, то мы будзем пераконваць, каб тут не было створана памылак.
Павел Бераснеў
Звязда, 2 верасня 2011
