На партале зарэгістравана ў якасці аб’ектаў ацэнкі больш за 13,5 тыс. арганізацый, выстаўлена больш за 410 тыс. ацэнак. Паказчык задаволенасці якасцю паслуг на партале складае 92,15%.

«Партал арыентаваны на грамадзян, падаючы ім інструмент для размяшчэння свайго меркавання аб якасці працы дзяржаўных арганізацый, кожная з якіх можа быць імі ацэненая па 5-бальнай шкале па наступных базавых крытэрах: прастата і зразумеласць працэсу атрымання паслугі; даступнасць інфармацыі аб парадку атрымання паслугі; захаванне ўстаноўленага тэрміну прадастаўлення паслугі; ветлівасць і добразычлівасць супрацоўнікаў. На падставе выстаўленых грамадзянамі адзнак па базавых крытэрыях прадугледжана аўтаматычнае фармаванне на партале адпаведнага рэйтынгу дзяржаўных арганізацый. Такі рэйтынг дазваляе сфармаваць механізм ацэнкі эфектыўнасці дзейнасці дзяржаўных арганізацый па аказанні паслуг, якія забяспечваюць жыццядзейнасць насельніцтва, і адміністрацыйных працэдур», — растлумачылі ў Мінсувязі.

Дзяржаўныя органы вядуць ўлік гэтай інфармацыі і выкарыстоўваюць яе пры ацэнцы дзейнасці падначаленых арганізацый і правядзенні ратацыі іх кадраў.

Звязда, 7 траўня 2023