"Я праламляю гэтыя падзеі праз сябе асабіста, праз сваю сям`ю, сваіх сваякоў, гісторыі якіх я ведаю. І мы шануем гэту памяць, - сказаў Ігар Карпенка. - З такіх абеліскаў і буйных мемарыялаў, з працоўнага і ратнага подзвігу савецкіх людзей складваецца веліч Перамогі. А калі дакладней, то з лёсаў тых людзей, тых сем`яў, якіх закранула гэта вайна, складваецца наша гістарычная памяць. Няма такой сям`і ў Беларусі, якую не закранула б вайна. Нехта пайшоў на фронт, нехта ваяваў у партызанскіх атрадах, змагаўся ў партыйна-камсамольскім падполлі з ворагам, нехта паехаў у далёкі тыл і там сваёй працай каваў Перамогу. Перамога - важны складнік нашай гістарычнай памяці ў кантэксце ўсёй сусветнай гісторыі".

Па маштабах трагедыі, загінулых, генацыду мірных грамадзян гэта была страшная вайна, падкрэсліў старшыня ЦВК.

"Тым больш відавочна для нас становіцца, як важна берагчы мір, захоўваць сусветную стабільнасць, каб не дапусціць канфлікту, - адзначыў ён. - Хто б мог падумаць, што, адзначаючы 78-ю гадавіну Вялікай Перамогі, мы зноў сутыкнемся з фашызмам у новых якасцях і праявах. Таму мы павінны не проста шанаваць гэту памяць, а працаваць для таго, каб не дапусціць чарговага ваеннага канфлікту на нашай зямлі".

5 мая 2023, Мінск
БЕЛТА