Білетныя касы дзяржаўных музеяў 9 мая зачыняцца, уваход будзе бясплатны, вынікае з інфармацыі, размешчанай на сайце Мінкульта.
Справа ў тым, што ў музеях пройдзе акцыя "Никто не забыт, ничто не забыто", прымеркаваная да Дня Перамогі.
Дзяржмузеі арганізуюць бясплатнае наведванне і экскурсійнае суправаджэнне пастаянных і часовых экспазіцый. Выключэнне складуць толькі камерцыйныя выставы.
Дзяцей да 11 гадоў дапусцяць у экспазіцыйныя залы для індывідуальнага наведвання, удзелу ў экскурсіі ці іншых мерапрыемствах, магчыма ў суправаджэнні паўналетніх.
Задача акцыі "Никто не забыт, ничто не забыто" – выхаваць у жыхароў Беларусі пачуццё грамадзянскасці і патрыятызму, прадставіць дакладную інфармацыю аб гісторыі Вялікай Айчыннай вайны.
У Беларусі ў Дзень Перамогі запланавана шмат урачыстых мерапрыемстваў. А ўвечары адбудзецца салют. Салютныя ўстаноўкі будуць размешчаны адразу ў шасці кропках беларускай сталіцы, пачнецца феерверк у 23:00.
