«Грамадская небяспека карупцыі ўсім вядомая і не патрабуе тлумачэнняў. У нашай краіне гэта з’ява разглядаецца як адна з пагроз нацыянальнай бяспекі. Мы кіруемся патрабаваннямі Прэзідэнта аб тым, што барацьба з карупцыяй на ўсіх узроўнях павінна быць рашучай і бескампраміснай», — распавёў Андрэй Швед.

Па яго словах, у 2022 годзе колькасць улічаных карупцыйных злачынстваў засталася на ранейшым узроўні. «Да крымінальнай адказнасці прыцягнута 819 асоб, з іх 21 займала адказнае становішча. Найбольш распаўсюджаныя факты крадзяжоў шляхам злоўжывання службовымі паўнамоцтвамі, злоўжыванні ўладай або службовымі паўнамоцтвамі, атрымання хабару», — адзначыў генпракурор.

Звязда, 22 лютага 2023