Якія падзеі адбыліся 20 лютага і чым азнаменаваны гэты дзень у народным календары, чытайце далей:
Гістарычныя падзеі 20 лютага
У 1387 годзе Ягайла выдаў першую грамату аб наданні прывілеяў баярам ВКЛ, якія прынялі каталіцкае веравызнанне.
У 1530 годзе Жыгімонт Аўгуст быў каранаваны як кароль польскі.
У 1918 годзе ў Мінску створаны Народны сакратарыят (першы ўласна беларускі ўрад).
Хто нарадзіўся 20 лютага
1922 год: Міхаіл Цікоцкі, беларускі мовазнавец і журналіст.
1945 год: Таіса Бондар, беларуская пісьменніца, перакладчыца.
Таксама сёння нарадзіліся рускі пісьменнік Фёдар Абрамаў і амерыканскі рок-музыкант, лідар групы Nirvana Курт Кабейн.
20 лютага ў народным календары
Сёння пачынаецца Масленіца. Апошні тыдзень перад Вялікім постам продкі асабліва шанавалі. У першы дзень трэба было сустрэць сонца, з гэтай нагоды гаспадыні пяклі бліны. Пры гэтым першы блін аддавалі жабракам.
Таксама ў гэты дзень праваслаўныя вернікі шануюць памяць вялебнага Лукі, грэчаскага манаха.
Сенняшні дзень лічылі прыдатным для прыгатавання лекавых настояў з зёлак і каранёў, якія нарыхтавалі мінулым летам. Людзі верылі, што зёлкі могуць не толькі вылечыць, але і забяспечыць поспех, дабрабыт і паспрыяць у справах.
Калі аблокі ідуць высока, гэта прадвяшчае добрае надвор`е. Сонца на захадзе чырвонае – да вятроў і дажджыстага лета.
Sputnik, 20 лютага 2023
