Якія падзеі адбыліся 2 лістапада і чым адзначаны гэты дзень у народным календары, чытайце далей:
Гістарычныя падзеі 2 лістапада
У 1939 годзе Вярхоўны Савет СССР прыняў закон аб далучэнні Заходняй Беларусі да СССР і ўключэнні яе ў склад БССР
Хто нарадзіўся 2 лістапада
1836 год: Міхал Андрыёлі, беларускі і польскі ілюстратар і мастак.
1906 год: Дзмітрый Бяляцкі, беларускі медык і навуковец, дзяржаўны дзеяч.
1909 год: Максім Лужанін, беларускі пісьменнік, кінадраматург, перакладчык.
1930 год: Аляксандр Баршчэўскі, беларускі літаратуразнаўца, перакладчык і фалькларыст.
Таксама сёння нарадзіліся каралева Францыі Марыя Антуанета і амерыканскі акцёр Берт Ланкастар.
2 лістапада ў народным календары
Сёння ў праваслаўных Дзмітрыеўская бацькоўская субота. Кожны год гэты дзень памінання продкаў выпадае на розную дату, але заўсёды адзначаецца ў суботу перад днём памяці вялікапакутніка Дзмітрыя Салунскага (па новым стылі 8 лістапада).
Таксама ў гэты дзень праваслаўныя вернікі шануюць памяць святога вялікапакутніка Арцемія. Арцемію маліліся, каб ён пазбавіў "грыжнай хваробы", на якую звычайна пакутвалі хлебаробы, таму што ім прыходзілася насіць цяжкія мяхі з зернем і мукой.
У народзе верылі, што народжанага ў гэты дзень абараняе ваўчыца, таму што гэты чалавек вельмі блізкі лесу і яго насельнікам.
Вяскоўцы лічылі, што калі воўк перабег дарогу – гэта да шчасця, таму што, калі галодны драпежнік не крануў, значыць, і ліха абыдзе.
Воўчае выццё ў гэты дзень прадракала маразы. Калі на дрэвах была шэрань, наступны год будзе неўраджайны.
Sputnik, 2 лістапада 2024
