29-га снежня спікер у рамках рэспубліканскай дабрачыннай акцыі "Нашы дзеці" з падарункамі наведала сацыяльна-педагагічную ўстанову адукацыі "Дзіцячы гарадок Ленінскага раёна г.Мінска".

"Для нас удзел у акцыі "Нашы дзеці" - такая ж радасць, як і для дзяцей, - сказала Наталля Качанава. - Мы ўжо сталі добрымі сябрамі. І з многімі хлопчыкамі і дзяўчынкамі я сустракаюся не першы ўжо раз. Яны былі ў гасцях у нас, у Савеце Рэспублікі. Мы пазнаёміліся на мінулы Новы год і цяпер сябруем".

Спікер падкрэсліла: чужых дзяцей не бывае. "Сапраўды, яны ўсе нашы. Мы іх любім. Яны яшчэ такія маленькія, але патрыёты сваёй краіны ўжо. Яны заўсёды гавораць аб тым, як яны любяць нашу краіну - родную Беларусь. Яны добра ведаюць сваю гісторыю. І ў гэтым пераканалася не аднойчы", - падкрэсліла старшыня Савета Рэспублікі.

"Для мяне вялікая радасць павіншаваць дзяцей з надыходзячым Новым годам. Дай Бог ім шчасця, здароўя. А мы заўсёды з імі будзем побач. Калі кожны з нас будзе разумець, што ад яго шмат у чым залежыць шчасце кожнага дзіцяці ў нашай краіне, - гэта будзе проста цудоўна", - падкрэсліла Наталля Качанава.

29 снежня 2022, Мінск
БЕЛТА