"Вы, журналісты, у гэтай інфармацыйнай вайне знаходзіцеся на перадавой. Менавіта на вашы плечы, на ваш розум, на ваш творчы талент ускладзена місія па процідзеянні пагрозам і выклікам, якія цяпер зведвае наша дзяржава. Ад вашай эфектыўнай работы залежыць тое, наколькі актыўна мы будзем процістаяць вялікай тэхналагічнай, багатай машыне, якая развязала супраць нас тую самую інфармацыйную вайну", - заявіў Уладзімір Пярцоў.

Міністр інфармацыі лічыць, што наступны год будзе няпростым, а інфармацыйнае процістаянне будзе абвастрацца. У гэтым процістаянні важную ролю павінны адыгрываць рэгіянальныя СМІ, аб чым міністр інфармацыі не раз гаварыў на сустрэчах з калектывамі рэгіянальных медыя.

13 снежня 2022, Мінск
БЕЛТА