У экспазіцыю з больш чым ста прадметаў увайшлі касынкі, хусткі і шалі, якія стваральнікі вернісажу збіралі на працягу двух дзесяцігоддзяў. Выстава стала сапраўды народнай: не толькі энтузіясты з цэнтра культуры, але і шматлікія жыхары Клецка і раёна, у тым ліку старажылы даставалі хусткі з сямейных куфраў і перадавалі рэліквіі.

Значную частку экспазіцыі складаюць і галаўныя ўборы, знойдзеныя падчас навуковых экспедыцый па вёсках Клецкага раёна. Некаторым асобнікам больш за сто гадоў. 

На выставе «Матчына хустачка» жыхары Клецка прадставілі і сучасныя варыянты адзення, якія ствараюць з класічных хустак. Дадатак да экспазіцыі — практычныя рэкамендацыі па доглядзе і рэстаўрацыі старадаўніх галаўных убораў.

Звязда, 13 лістапада 2022