Першы культурна — адукацыйны форум «Культура сталіцы-2022» пройдзе з 4 па 7 кастрычніка ў Мінску.

У мерапрыемстве прымуць удзел кіраўнікі, педагагічныя работнікі, маладыя спецыялісты ўстаноў культуры, якія знаходзяцца ў ведамаснай падпарадкаванасці ўпраўлення культуры Мінгарвыканкама (работнікі Белдзяржцырка, музейных устаноў Мінска, тэатральна-відовішчных арганізацый, бібліятэк, дзіцячых школ мастацтва і г.д.), усяго каля 500 чалавек.

Урачыстае адкрыццё форуму пройдзе 4 кастрычніка на базе дзіцячай музычнай школы мастацтва № 1 імя л.п. Александроўскай Мінска.

А 7 кастрычніка ў Беларускім дзяржаўным акадэмічным тэатры юнага гледача пройдзе ўрачысты сход, прымеркаваны да Дня работнікаў культуры. Лепшым работнікам і арганізацыям культуры Мінска, якія знаходзяцца ў ведамаснай падпарадкаванасці ўпраўлення культуры Мінгарвыканкама, уручаць ганаровыя ўзнагароды.

Завершыцца праграма мерапрыемстваў паказам спектакля «Альпы.Сорак першы».

Арганізатарамі мерапрыемства з’яўляюцца ўпраўленне культуры Мінскага гарвыканкама, Моладзевы савет пры ўпраўленні культуры Мінгарвыканкама.

Звязда, 1 кастрычніка 2022