"Гэты зборнік стаў сімвалічнай падзеяй, паколькі праз некалькі дзён мы будзем адзначаць гадавіну аб`яднання Заходняй Беларусі з БССР. Безумоўна, гэта знакавы момант, таму мы праводзім такое мерапрыемства, - сказаў вучоны сакратар Інстытута гісторыі НАН Павел Трубчык. - Мы павінны даследаваць факты, абставіны не толькі заключэння Рыжскага мірнага дагавора, але і ў цэлым перыяду знаходжання Заходняй Беларусі ў складзе польскай дзяржавы. Ёсць вельмі шмат пытанняў. І гэтыя пытанні заўсёды выклікаюць значную цікавасць як з боку замежных навуковых работнікаў, даследчыкаў, так і грамадства".

Тэрытарыяльны аспект - асноўны ў пытанні нацыянальнага дзяржаўнага будаўніцтва, падкрэсліў вучоны сакратар. "Мы многае можам сказаць пра нацыянальную мову, культуру. Але і тэрыторыя з`яўляецца адным з важнейшых крытэрыяў дзяржаўнага будаўніцтва. Без тых падзей, пра якія мы будзем гаварыць, пад вялікім пытаннем была б магчымасць існавання сучаснай Беларусі ў тых межах, якія мы ведаем на сённяшні дзень. Таму 17 верасня стала святочнай датай, на яе звяртаецца вялікая ўвага", - адзначыў Павел Трубчык.

Паводле яго слоў, ёсць і крытыкі такіх поглядаў. "Мы павінны зыходзіць са сваіх нацыянальных інтарэсаў. І калі мы не будзем даследаваць падзеі таго перыяду, не будзем на іх звяртаць увагі, то за нас гэта зробяць іншыя, і беларусы ў гэтых даследаваннях не будуць выступаць у якасці аб`екта вывучэння. Як гэта ўжо здарылася ў 1921 годзе, калі без уліку інтарэсаў беларускага боку было падпісана пагадненне, у адпаведнасці з якім значная частка Беларусі была ўключана ў склад польскай дзяржавы", - дадаў Павел Трубчык.

13 верасня 2022, Мінск
БЕЛТА