Мэта фестывалю — выяўленне таленавітых аўтараў, якія ствараюць мастацка-патрыятычную літаратуру на рускай і беларускай мовах, якая выхоўвае высокі мастацкі густ, маральнасць і любоў да Радзімы.

Заснавальнікамі праекта, закліканага папулярызаваць кнігі і чытанне, выступаюць Полацкая раённая цэнтралізаваная бібліятэчная сістэма і літаратурная студыя «Цэнтр Еўропы» пры падтрымцы Полацкага райвыканкама, партнёрамі — Саюз пісьменнікаў Беларусі і літаратурныя супольнасці Расіі і іншых дружалюбных краін.

Конкурс праводзіўся дыстанцыйна. У журы працавалі вядомыя літаратары, паэты, празаікі, журналісты: ганаровы старшыня журы — Тамара Краснова-Гусачэнка (Беларусь), старшыня журы — Аляксандр Раткевіч (Беларусь), Вольга Барысава (Расія), Ніна Гейдэ (Данія), Галіна Загурская (Беларусь), Абдукаххор Касім (Таджыкістан), Бахітхожа Русцёмаў (Казахстан), Ірына Сілецкая (Чэхія) і іншыя.

Пераможцамі V літаратурнага форуму з міжнародным удзелам «Цэнтр Еўропы» ў розных намінацыях сталі: «Паэзія» — Любоў Міхайлава (Беларусь); «Малая проза» — Галіна Разбаева (Расія); «Памяць народа — адзінства краіны» — Марына Шуханкова (Беларусь); «Мовай Я. Купалы і Я. Коласа» — Віталь Шалаеў (Беларусь) і іншыя.

Фіналістам і пераможцам V Міжнароднага літаратурнага форуму «Цэнтр Еўропы» ўручаны дыпломы і падарункі.

У працэсе падвядзення вынікаў былі праведзены конкурсы сярод фіналістаў фестывалю на прыз сімпатый гледачоў у розных намінацыях, творчае выступленне членаў журы і ганаровых гасцей форуму, майстар-клас па вершаскладанні і малой прозе, літаратурна-сцэнічны конкурс «Паэт-Артыст».

У заключэнні вядомы паэт і ганаровы старшыня журы літаратурнага форуму Тамара Краснова-Гусачэнка падарыла бліскучы творчы вечар паэзіі ўдзельнікам фестывалю. Яна натхнёна прачытала вершы, якія былі прыняты аўдыторыяй з вялікім поспехам. Сэрцы гледачоў былі заваяваны паэзіяй.

Тамара Краснова-Гусачэнка

Звязда, 31 траўня 2022