Іван Кубракоў падзякаваў навучэнцам за ўвагу да гераічнага мінулага і больш падрабязна спыніўся на подзвігах праваахоўнікаў. У якасці прыкладу ён прывёў байцоў 132-га асобнага батальёна канвойных войскаў НКУС, які абараняў Брэсцкую крэпасць, курсантаў Мінскай і Гродзенскай школ міліцыі, якія пад камандаваннем Канстанціна Уладзімірава цаной жыццяў не давалі ворагу прарвацца да Магілёва.

"Гісторыю ствараем мы з вамі. Менавіта мы адказваем за мірнае неба, на якое ніхто не замахнецца, калі ў краіне будуць моцныя армія і міліцыя. А для гэтага маладое пакаленне павінна старанна вучыцца, а потым - добрасумленна працаваць, - даў наказ міністр. - Жадаю здароўя, поспехаў, дабра. Дзякуй за ваш выбар насіць пагоны, рухайцеся толькі наперад".

Кіраўнік ведамства ўзнагародзіў наручнымі гадзіннікамі ліцэістаў, якія занялі першае месца ў нядаўнім конкурсе страявой падрыхтоўкі сярод навучэнцаў спецыялізаваных і кадэцкіх сярэдніх навучальных устаноў, Сувораўскага вучылішча.

"Памяць - гэта не проста здольнасць захоўваць інфармацыю. Памяццю жывуць. Няхай яна вучыць усіх дабру, міралюбнасці, чалавечнасці. Абараняйце сваіх блізкіх, краіну. Я ўпэўнены: у рэспубліцы светлая будучыня, бо яна ў надзейных руках пакалення сапраўдных патрыётаў", - звярнуў увагу начальнік Спецыялізаванага ліцэя МУС генерал-маёр міліцыі Віктар Жыбуртовіч.

5 мая 2022, Мінск
БЕЛТА