Сем’і, якія вымушана пакінулі дома ў Украіне, размешчаны ў санаторыях Гомельскай вобласці. Заслужаны калектыў Рэспублікі Беларусь «Відовішчна-культурны комплекс «Гомельскі дзяржаўны цырк» сумесна з абласной арганізацыяй Беларускага таварыства Чырвонага Крыжа ініцыявалі вольны час для іх. Культпаход дазволіць дарослым і дзецям развеяцца, адцягнуцца ад праблем.

«Гэтыя сем’і цяпер, як ніхто, маюць патрэбу ў звычайных рэчах, уласцівых мірнага жыцця. А наведванне цырка — гэта заўсёды свята і для дзяцей, і для дарослых. Бо самае сумленнае цыркавое мастацтва дорыць шчырыя станоўчыя эмоцыі і нагадвае пра тое, што мір і дабрабыт заслугоўвае кожны», — распавялі арганізатары дабрачыннага мерапрыемства.

Бежанцы з Украіны дзеля дзяцей з удзячнасцю прынялі запрашэнне.

Таксама дабрачынныя запрашальныя на прэм’еру маляўнічай праграмы атрымалі шматдзетныя і малазабяспечаныя сем’і з Гомеля, гараджане, якія выхоўваюць дзяцей з інваліднасцю, дзеці з няпоўных сем’яў.

Усяго на прэм’ерны паказ гэтай праграмы адміністрацыя цырка прадугледзела каля 270 дабрачынных месцаў. Такая традыцыя ў цырку існуе даўно, аднак на гэты раз колькасць асаблівых запрашэнняў павялічылі мнагакратна. Розныя дзеці атрымалі аднолькавую магчымасць атрымаць асалоду ад яркага і захапляльнага шоў пад купалам Гомельскага дзяржаўнага цырка.

Звязда, 27 сакавіка 2022