У Мінску двое падлеткаў 14 і 16 гадоў фарбай з балончыкаў размалявалі пад’езд аднаго з дамоў на Нямізе. 

Удакладняецца, што падлеткі нанеслі на сцены цынічныя малюнкі і надпісы. Іх асобы ўдалося ўстанавіць хутка. Як растлумачыў адзін з затрыманых, балончыкі з фарбай былі набыты праз інтэрнет-магазін.

Свой учынак хлопцы патлумачылі тым, што хацелі нібыта зафарбаваць тыя надпісы, якія былі намаляваныя да іх.

Па дадзеным факце распачата крымінальная справа за хуліганства. Акрамя гэтага, сем’ям падлеткаў давядзецца кампенсаваць нанесеную шкоду — а гэта больш за 4600 рублёў.

«Шкода, прычыненая гарадской маёмасці (будынкам, збудаванням і іншым аб’ектам), падлягае спагнанню з вінаватай асобы ў сторазовым памеры», — нагадалі ў міліцыі.

Звязда, 9 студзеня 2025