Кінатэатр – помнік архітэктуры сярэдзіны ХХ стагоддзя, уключаны ў Дзяржаўны спіс гісторыка-культурных каштоўнасцяў Рэспублікі Беларусь.

Спецыялісты генпадраднага БУ-3 першага трэста пачалі дэмантажныя работы на аб’екце: разбіраюць перагародкі, падлогавыя пакрыцці і сцяжкі, падвесныя столі, збіваюць плітку са сцен.

У ходзе рэканструкцыі ў будынку будзе праведзена ўнутраная перапланіроўка. Хол кінатэатра чакае рэстаўрацыя: адновяць паўкруглыя фрэскі пад скляпеннямі, масіўныя дзвярныя канструкцыі, ляпны дэкор на калонах і карнізах, вялікія люстры. Рэстаўрацыйныя работы будуць выкананы таксама на фасадзе будынка.

Згодна з праектам, на рэканструкцыю «Перамогі» адведзена 17 месяцаў.

Між тым, у ходзе дэмантажу адной з перагародак кінатэатра пад гіпсакардон будаўнікі знайшлі цікавую карціну. Ці ўяўляе твор мастацкую каштоўнасць, вызначыць спецыяліст, запрошаны будаўнікамі на аб’ект.

Звязда, 23 лютага 2022