У рабоце круглага стала прымуць удзел навукоўцы краіны, прадстаўнікі арганізацый НАН Беларусі, розных міністэрстваў і ведамстваў. Арганізатары мерапрыемства — Беларускі саюз жанчын і НАН Беларусі.

У цэнтры ўвагі ўдзельнікаў круглага стала будуць праблемы гендарнага дысбалансу ў розных галінах занятасці, асаблівасці выбару будучай прафесіі дзяўчатамі, выбару жанчынамі навукі ў якасці прафесійнай дзейнасці. Жанчыны складаюць толькі 26,7 працэнта выпускнікоў беларускіх навучальных устаноў па спецыяльнасцях, звязаных з навукай, тэхналогіямі, інжынерыяй і матэматыкай, што сведчыць аб неабходнасці іх далейшага прасоўвання ў гэтых галінах.

11 лютага адзначаецца Міжнародны дзень жанчын і дзяўчат у навуцы. Ён быў заснаваны рэзалюцыяй Генеральнай Асамблеі ААН у снежні 2015 года. Яго мэта — абяднаць намаганні дзяржаў — членаў ААН для прасоўвання паўнацэннага і раўнапраўнага ўдзелу жанчын і дзяўчат у працэсах адукацыі, прафесійнай падрыхтоўкі, занятасці і прыняцця рашэнняў у навуковай галіне, ліквідаваць усе праявы дыскрымінацыі ў адносінах да жанчын, заахвочваць развіццё жанчынамі навуковай кар`еры і прызнаваць дасягненні жанчын у навуцы.

За апошнія 15 гадоў сусветная супольнасць дасягнула значных поспехаў ва ўключэнні жанчын і дзяўчат у навуку. Згодна са стратэгіяй Еўракамісіі па гендарнай роўнасці, адной з мэтаў зяўляецца дасягненне прадстаўніцтва жанчын ў навуцы на ўзроўні мінімум 40 працэнтаў.

Надзея Нікалаева
Звязда, 10 лютага 2022