Па рашэнні кіраўніка дзяржавы 13 снежня Леанід Заяц быў назначаны членам Савета Рэспублікі. Па выніках тайнага галасавання сенатары аднагалосна падтрымалі яго кандыдатуру.

"Леаніда Зайца я ведаю даўно, - сказала старшыня Савета Рэспублікі Наталля Качанава. - Гэта прафесіянал сваёй справы, вельмі дасведчаны кіраўнік, які прайшоў цудоўную школу, працуючы кіраўніком прадпрыемства, міністрам, губернатарам. Той прафесійны досвед, які ёсць у гэтага чалавека, будзе, несумненна, запатрабаваны ў нашай рабоце. Вельмі важна, што гэта вельмі добры чалавек, сапраўдны патрыёт сваёй краіны. Ён любіць і цэніць людзей. Ён не падзяляе іх па пасадзе, званні, расавай прыналежнасці. Для яго ўсе людзі роўныя".

Спікер падкрэсліла: Леанід Заяц вельмі шмат зрабіў для Магілёўскай вобласці. "І, вядома, усё гэта ацэньваюць па заслугах. Кіраўнікі і проста жыхары з вялікай любоўю адносяцца да яго. Я лічу, што гэта дастойная кандыдатура на пасаду намесніка старшыні Савета Рэспублікі, які, я ўпэўнена, унясе абсалютна новыя прапановы, напрамкі ў нашу работу. Я лічу, што ён справіцца з ускладзенымі на яго функцыямі", - канстатавала Наталля Качанава.

У сваю чаргу Леанід Заяц падзякаваў сенатарам за аказаны яму давер. "Не скрою, для мяне гэта вялікі гонар. Разумею сваё назначэнне так: прадстаўляць гэту высокую пасаду і пацвярджаць яе бравымі палітычнымі справамі ў нашай дзяржаве. Я вырас і працаваў сярод вас. Я хацеў бы падзякаваць Прэзідэнту за прынятае рашэнне і сказаць, што зраблю ўсё для таго, каб апраўдаць гэта назначэнне", - адзначыў ён.

17 снежня 2021, Мінск
БЕЛТА