Дзед Мароз, Снягурка, Кракадзіл Гена і Леў дапамагалі раздаваць абед, а пасля - уручалі дзецям пакеты з прысмакамі.
Візіт аніматараў - ініцыятыва Моладзевага крыла Мінскай гарадской арганізацыі "Беларускага саюза жанчын". У арганізацыі расказалі пра штогадовую навагоднюю дабрачынную акцыю "Нашы дзеці".
"Гэтыя дзеці нам не чужыя. Для кожнага з іх мы падрыхтавалі падарунак. Такім чынам мы спрабуем хоць неяк палепшыць жыццё гэтых дзяцей, прыўнесці ў яго святочныя фарбы, падняць ім настрой. Таксама мы хочам пазнаёміць іх з культурай святкавання Новага года ў нас у краіне", - распавяла журналістам прадстаўнік арганізацыі Ірына Кароль.
Як расказаў у сераду член Савета Рэспублікі Ігар Гедзіч, у цэнтры, дзе жывуць мігранты, цяпер знаходзіцца каля 800 чалавек, каля 40% тых, хто пражывае ў ТЛЦ, - гэта жанчыны і дзеці.
Дзіцячыя забавы
Адна з самых папулярных забаў у цэнтры - гульня ў мяч. Футбол упадабаўся як дзецям, так і дарослым.
Каб дапамагчы юным мігрантам адаптавацца да складанай сітуацыі, Беларускае Таварыства Чырвонага Крыжа арганізавала нават клоўнатэрапію.
Акрамя таго, спецыялісты-псіхолагі і прадстаўнікі ЮНІСЕФ вывучаюць магчымасць аказання адукацыйных паслуг у ТЛЦ. У планах - арганізаваць гурткі па інтарэсах.
