Ветэран звярнуў увагу, што 3 ліпеня - адна з самых галоўных дат для беларускага народа. "Гады сціраюць з памяці многае, але нам ніколі не забыць тых трагічных дзён, калі беды і пакуты прыйшлі да нашага народа", - сказаў ён.

За гады акупацыі краіна была змучана, разбурана, нагадаў ветэран. "Але магутная сіла дружбы і веры ў светлую будучыню, самаадданасць людзей дапамагалі аднаўляць Беларусь. У кароткія тэрміны наша Радзіма адрадзілася з руін і попелу. І сёння мы ганарымся незалежнай Беларуссю", - падкрэсліў ён.

Звяртаючыся да маладога пакалення, Аляксей Піманаў заклікаў берагчы слаўныя традыцыі бацькоў і дзядоў, быць дастойнымі тых, хто аддаў жыццё за свабоду Радзімы.

3 ліпеня 2021, Гомель
БЕЛТА