Беларуская асацыяцыя сацыяльных работнікаў прэзентуе ў Мінску «Звычайную кнігу пра незвычайнае ўсё», якая створана, каб дапамагчы сем’ям і педагогам пагаварыць пра важныя тэмы: суперажыванні, узаемападтрымку, любові да навакольнага свету.

Госці мерапрыемства змогуць пазнаёміцца ​​з аўтарамі выдання, паразмаўляць са спецыялістамі ў галіне псіхічнага здароўя, паглядзець пастаноўку сямейнага інклюзіў-тэатра «І» на аснове кнігі.

«Звычайная кніга пра незвычайнае ўсё» з’явілася як частка сацыяльнага праекта «Добрая казка», рэалізаванага Беларускай асацыяцыяй сацыяльных работнікаў пры падтрымцы кампаніі А1. Кніга падрыхтавана Мінскім клубным домам «Адкрытая душа» і экспертамі ў тэме псіхічнага здароўя для рэабілітацыі людзей з захворваннямі псіхікі. Гэта выданне для псіхалагічнай асветы, кніга рэкамендавана для чытання ў сям’і дзецям ад 6 да 12 гадоў.

«Звычайную кнігу пра незвычайнае ўсё» напісалі бацькі, якія жывуць з псіхічнымі захворваннямі і выхоўваюць дзяцей, — растлумачылі ў асацыяцыі сацработнікаў. — Гісторыі і жыццёвыя сітуацыі паказваюць, як важна падтрымліваць іншых, вырашаць праблемы разам, не баяцца звяртацца па дапамогу і не саромецца казаць пра хваробу. Бо калі хтосьці хварэе, гэта не сорамна і ня смешна».

Звязда, 25 траўня 2021