Паважаныя таварышы!

Віншую вас з прафесійным святам — Днём міліцыі.

Кожны з вас штодня знаходзіцца на пярэднім краі барацьбы са злачыннасцю, справай даказваючы адданасць краіне і народу, захоўваючы пры гэтым прыхільнасць да слаўных традыцый, якія былі закладзены ветэранамі службы.

Асабліва выразна важнасць органаў правапарадку ў забеспячэнні стабільнасці ў нашым грамадстве і бяспекі грамадзян выявілася летась. Гэта, безумоўна, быў адзін з самых складаных перыядаў у біяграфіі беларускай міліцыі. Аднак вы дастойна справіліся з замахамі на канстытуцыйны лад дзяржавы. Да канца выканалі свой абавязак, праявіўшы мужнасць, стойкасць і высокі прафесіяналізм, паказалі сябе сапраўднымі патрыётамі.

Перакананы, вы і ў далейшым будзеце рабіць усё магчымае для таго, каб надзейна абараніць прававыя асновы дзяржаўнага ладу, нейтралізаваць выклікі і пагрозы для эканомікі і мірнага жыцця беларусаў.

Дзякую за сумленную, бездакорную службу.

Жадаю вам моцнага здароўя, шчасця і дабрабыту.

Прэзідэнт Рэспублікі Беларусь Аляксандр Лукашэнка

Звязда, 4 сакавіка 2021