Сёння прайшоў сход жаночага актыву Савета Рэспублікі і яго сакратарыята, на якім прынята рашэнне аб стварэнні першаснай арганізацыі грамадскага аб’яднання «Беларускі саюз жанчын». 

У мерапрыемстве ўзялі ўдзел старшыня Савета Рэспублікі Наталля Качанава, старшыня Беларускага саюза жанчын, першы намеснік міністра аховы здароўя Алена Богдан і 25 жанчын — работніц сакратарыята Савета Рэспублікі.

«Напярэдадні Новага года — выдатны час для выдатнай ініцыятывы жанчын Савета Рэспублікі і яго сакратарыята — актыўна ўключыцца ў працу Беларускага саюза жанчын і ў якасці першага кроку — стварыць першасную арганізацыю», — адзначыла Наталля Качанава.

У цяперашні час у саюзе стаяць больш за 140 тыс. жанчын, дзейнічае больш за 4 тыс. першасных арганізацый. Іх асноўная мэта — павышэнне ролі жанчын у жыцці краіны, актыўны ўсебаковы ўдзел у рэалізацыі задач пабудовы моцнай і квітнеючай Беларусі.

«Жанчыны Савета Рэспублікі і яго сакратарыята гатовыя ўнесці свае прапановы, ініцыятывы і ідэі для больш актыўнага ўдзелу ў вырашэнні задач дзяржаўнага кіравання, сацыяльных і эканамічных пытанняў, фармаванні грамадзянскай супольнасці», — падкрэсліла Наталля Качанава.

Алена Богдан у сваім выступе коратка спынілася на гісторыі і асноўных напрамках дзейнасці Беларускага саюза жанчын, праінфармавала аб ходзе фармавання першасных арганізацый саюза, завяршэнні афармлення аб’яднанай структуры БСЖ органаў унутраных спраў, а таксама ініцыятыве стварэння аб’яднанага саюза жанчын рэспубліканскіх органаў дзяржаўнага кіравання.

Падчас сходу сфармаваны рабочыя органы першаснай арганізацыі, старшынёй абрана Тамара Лявончык — намеснік начальніка ўпраўлення па забеспячэнні дзейнасці Пастаяннай камісіі па міжнародных справах і нацыянальнай бяспецы Сакратарыята Савета Рэспублікі.

Звязда, 31 снежня 2020