"Вы прасілі вучыць дзяцей, вы прасілі лячыць людзей. Вучым і лечым! І лечым не горш за іншых, як паказала нядаўняя гісторыя. Той, хто не сляпы, вазьміце галаву ў рукі. Настаўнікі, урачы, творчая інтэлігенцыя, вазьміце галаву ў рукі і паглядзіце: мы пайшлі сваім шляхам у гэтай пандэміі, мы не спынілі краіну, ніводны завод не закрылі. І людзі сёння ўдзячны нам за гэта", - сказаў кіраўнік дзяржавы.

"Дзякуй!" – прагучалі ў адказ воклічы з натоўпу.

"Мяне сёння яшчэ папракаюць: не той шлях, няма сацыяльнай дыстанцыі… А паглядзіце на іх: дыстанцыяваліся яны на мітынгах і плошчах (праціўнікі дзеючай улады.), калі ім з-за мяжы далі каманду? Яны пляваць хацелі на маскі і дыстанцыю адзін ад аднаго! Яны ў чым мяне папракаюць? За тое, што я паўгода, калі ішла гэта страшная хвароба, хваляваўся, каб ніводны чалавек не захварэў", - дадаў Прэзідэнт.

16 жніўня 2020, Мінск
БЕЛТА