У Брэсце на рацэ Мухавец 1 траўня распачаў сваю працу ўнікальны для горада аб`ект - плывучы фантан. Некалькі дзён таму яго пратэставалі, а ў першы дзень мая запусцілі - без ўрачыстага адкрыцця.

Знаходзіцца фантан на Мухаўцы ў створы вуліцы Леніна. Цэнтральная бруя дасягае 19 метраў у вышыню. У цёмны час сутак фантан свеціцца.

Аб`ект з`явіўся ў Брэсце ў рамках трэцяга этапу рэканструкцыі гарадской набярэжнай.

Рэканструкцыя набярэжнай у Брэсце пачалася ў жніўні 2014-га. На рэалізацыю праекта было выдзелена 39 месяцаў. Цалкам абноўленую прыбярэжную зону ракі Мухавец збіраліся прэзентаваць берасцейцам і гасцям горада да канца 2018 года. Аднак у 2019 годзе было прынята рашэнне прадоўжыць рэканструкцыю і да святкавання 1000-годдзя горада злучыць набярэжную з Гарадскім садам, што і было зроблена.

Звязда, 2 траўня 2020