Генадзь Буралкін нарадзіўся 12 лютага 1942 года ў Казахстане ў сям’і ссыльнага перасяленца з Беларусі. Скончыў Беларускі тэатральна-мастацкі інстытут, з 1980-га быў членам Беларускага саюза мастакоў, а з 1990 па 2001 год узначальваў яго. У 1997-м скульптар узнагароджаны медалём Францыска Скарыны.

Найбольш вядомыя працы дзеяча — «Музы» на будынку Вялікага тэатра оперы і балета ў Мінску, «Ружы», прысвечаныя памяці трагедыі на «Нямізе», помнік шахцёрскай славы ў Салігорску, памятны знак у гонар 850-годдзя Гродна, скульптурныя серыі «Скачок» , «Жыцень», «Берагіня», «Лель», помнік Міндоўгу ў Навагрудку.

Звязда, 3 студзеня 2024