Беларусь была і будзе адкрытая для тых, хто страціў мір у сваіх краінах, аб гэтым у чацвер заявіў прэзідэнт рэспублікі Аляксандр Лукашэнка.
Сёння кіраўнік дзяржавы прыехаў у Палац Рэспублікі, дзе праходзіць штогадовая дабрачынная акцыя "Нашы дзеці".
"Яны (дзеці) усе нашы, яны родныя. Беларусь была і будзе адкрытая для ўсіх, хто страціў дом і мір у сваіх краінах", - цытуе словы Лукашэнкі яго прэс-служба.
Ён адзначыў, што ў дзяцей, якія сабраліся сёння ў Палацы Рэспублікі, розныя лёсы і рознае жыццё і даў ім параду.
"Хачу параіць як чалавек, у якога дзяцінства таксама было няпростае, – усё ў вашых руках! Толькі трэба праявіць больш цярпення і больш настойлівасці", - сказаў прэзідэнт.
Акцыя "Нашы дзеці" праводзіцца ў Беларусі ўжо больш як 25 гадоў па ініцыятыве прэзідэнта краіны. Яе мэта – прыцягнуць увагу да праблем дзяцінства, аказаць дапамогу і падтрымку найменш абароненым катэгорыям дзяцей, якія маюць патрэбу ў асаблівым клопаце і ўвазе дзяржавы і грамадства.
