"Сёння шмат робіцца для таго, каб урачыстыя моманты ў жыцці нашых грамадзян, такія як нараджэнне дзіцяці, шлюб, можна было правесці ў максімальна прыгожай, камфортнай, цікавай абстаноўцы. Нашы загсы аказваюць разнастайныя платныя паслугі, праводзячы ўрачыстыя мерапрыемствы як у саміх памяшканнях загсаў, так і падчас выязных мерапрыемстваў у розных культурных месцах. Пералік такіх месцаў вызначаны ў кожным горадзе, у кожным населеным пункце. Але сёння мы разглядаем пытанне, каб пашырыць пералік такіх паслуг, месцаў правядзення ўрачыстых мерапрыемстваў ", - сказаў Алег Сліжэўскі.

Падрыхтаваны праект пастановы Савета Міністраў, які прадугледжвае пашырэнне пераліку допуслуг, якія будуць аказваць загсы. "Напрыклад, на працягу пэўнага часу дэ-факта праходзяць цырымоніі ўрачыстага ўшанавання юбілейных дат сям`і - 50-годдзе, 25-годдзе, сярэбранае вяселле, залатое вяселле. Гэтыя паслугі запатрабаваныя насельніцтвам, аказваюцца ЗАГС, але юрыдычна пакуль не замацаваны", - растлумачыў міністр . Плануецца, што паслугу замацуюць ў дакуменце і яна будзе аказвацца яшчэ шырэй.

Семінар-практыкум "Асобныя аспекты арганізацыі дзейнасці аддзелаў загса пры аказанні дадатковых платных паслуг, звязаных з рэгістрацыяй актаў грамадзянскага стану" прайшоў на базе аддзела загса Круглянскага райвыканкама Магілёўскай вобласці.

Спецыялісты органаў загса абмяняліся практычным вопытам аказання дадатковых платных паслуг, прайшлі майстар-клас па аратарскім майстэрстве, атрымалі веды аб структуры ідэальнага выступу.

Асноўнай мэтай семінара стала вывучэнне практыкі аказання аддзеламі загса дадатковых платных паслуг, звязаных з урачыстай рэгістрацыяй шлюбаў і нараджэнняў.

Звязда, 28 жніўня 2016