Інфармацыя аб узгаранні ў двухпавярховым  будынку, які не эксплуатаваўся, паступіла ў МНС у 22.10. Будынак гарэў унутры, гарэў таксама дах. "У выніку пажару знішчана 100 кв м даху, пашкоджана 50 кв. м перакрыцця. Пацярпелых няма", — паведамілі- распавялі ў Магілёўскім абласным упраўленні МНС. Прычына пажару высвятляецца.

Згаданы будынак не эксплуатуецца з 2006 года. На думку мясцовых жыхароў, прычынай узгарання магло быць свавольства падлеткаў.

Адзначым, што пажар здарыўся ў будынку, які з`яўляецца агульным для дамоў № 7 і № 9 па вуліцы Лазарэнкі, пабудаваным у пачатку ХХ стагоддзя. У канцы 2013 года па ініцыятыве магілёўскіх улад аавукова-метадычны савет Міністэрства культуры пазбавіў яго, а таксама дамы №№ 5, 13 і 15 статусу гісторыка-культурнай каштоўнасці. Аднак умяшалася Генеральная пракуратура і статус будынкаў быў захаваны.

Уладзімір Лапцэвіч, БелаПАН
Магілёў, 10 чэрвеня 2017